Lanzacoches!!

     Unha manualidade que sempre funciona e que ten múltiples posibilidades de uso é o "lanzacoches", un sinxelo xoguete feito con tubo de cartón. Por un lado teñen que ir pegando con cola pedaciños de papel de cores e polo outro pintar os números do 1 ao 5 de diferente cor. Teñen que ter paciencia porque non é algo que se faga dun día para outro!.

    Finalmente chega a hora de explorar as posibilidades de xogo: cas bolas de porexpán ou de ping-pong pódense facer cousas sós como o "balancín" o "sopla cara arriba", a "bandexa", lanzar a modo de tobogán coches, canicas, etc. E por parellas se pode xogar ao "fútbol-sopro", facer trasvases de bola, e todo aquilo que a imaxinación e a craetividade permitan...

.

Día do libro

A profe Lucía mándanos esta mensaxe:

Queridas familias: un besiño neste día tan especial. É un día nostálxico. Sempre o celebramos todos xuntos na biblioteca. Este vídeo é un regalo para vós, para a nena ou neno que levades dentro. Un aplauso por todo o esforzo que estades a facer. Sabemos que non é fácil. Ánimo!.

Por outra parte, Paulo e Rafa fixeron uns preciosos marca páxinas para conmemorar o Día do Libro

 Rafael

Así quedaron as casiñas de cartón!

Mirade que chulas quedaron algunhas das casiñas de cartón!

E no seguinte vídeo, Gabriel nos explica con detalle a súa "casa encantada"

Proposta luns 20 de Abril : Facemos un TIPI de cartón

Os indios de Norteamérica vivían en TIPIS (TI, significa "vivir" e PI significa "lugar") é dicir que TIPI significa "lugar para vivir". Os Tipis podían ser montados ou desmontados en menos de dúas horas e é un dos fogares de acampada máis cómodos e que mellor resiste as diferentes condicións meteorolóxicas (cálido no inverno e fresco no verán). Estaba recuberto de pel de búfalo.

Déixovos un par de fichas para que fagades para o voso libriño dos indios:

Como manualidade podedes facer TIPIS de cartón: elexide unha plantilla  e a decorades ao voso gusto, despois mamá ou papá pegan unhas palliñas e colocan o tipi sobre unha base de cartón que tamén podedes pintar.

Outra manualidade interesante e que gusta moito é facer á banda para a cabeza: recortade unha tira de cartón ou cartulina, a decorades con triángulos e despois lle pegades un par de plumas pintadas!. Exemplo:

 

Na miña casa tamén  fixemos os tipis e quedaron así:

Animádevos a facer o voso Tipi de cartón!

Casiñas de cartón

A PROPOSTA DE HOXE VENRES E PARA A FIN DE SEMANA CONSISTE EN  CONSTRUÍR UNHA CASIÑA CON CAIXAS DE CARTÓN QUE TEÑAMOS POR CASA. EN PRIMEIRO LUGAR, BUSCA CAIXAS : DE MEDICAMENTOS, DE INFUSIÓNS, DE ATÚN,  CARTÓNS DOS IOGURES, ETC.

PEGADE AS CAIXIÑAS (PODE SER UN EDIFICIO CON VARIOS PISOS), ENGÁDELLE UNHA CAIXA QUE SERÁ O GARAXE, OUTRA A CHEMINEA, PODES PORLLE XARDÍN, ÁRBORES, ETC.

DESPOIS PAPI OU MAMI CUN CUTER QUE LLE FAGA AS VENTÁS E AS PORTAS E POR ÚLTIMO A PINTAR!!!!

XA VERÁS QUE DIVERTIDO É!! ANÍMATE E NON ESQUEZAS ENVIARME A FOTO!

POR CERTO, DEIXAR VOAR A IMAXINACIÓN DOS NENOS E NENAS!!! XA QUE  HAI CASAS DE TODOLOS TAMAÑOS, FORMAS, ETC; HAI CASAS QUE  PODE TER TRES CHEMINEAS, SER REDONDAS, TER MOITOS PISOS, UN TOBOGÁN PARA BAIXAR DENDE A FIESTRA, ETC.

AQUÍ VOS DEIX0 AS QUE FIXERON OS MEUS FILLOS!!!


VERA A FIXO CON CAIXAS DE XEADOS, INFUSIÓNS E MEDICAMENTOS!!



              ENGADIULLE PISCINA E PINTOUNA  



E FIXÁDEVOS NO GARAXE QUE TEN COCHE, BICICLETA E LAVADORA!!



ÉRIC NON QUIXO AXUDA PERO QUEDOULLE MOI BEN (na foto non se ve pero púxolle un tobogán azúl dende a ventana ata o xardín)

    E LEIRE FIXO A SÚA CUNHA CAIXA DE LEITE!

Caixa máxica de escritura

Hola nenos e nenas! 

Hoxe vos propoño unha cousiña moi sinxela  que vos sirve para traballar e repasar un pouquiño as letras que sabedes, tamén lle podedes preguntar a papa ou a mamá como se fae o trazo dalgunha que aínda non vos saia (sobre todo o trazo da minúscula).

Trátase dunha caixa máxica!. Necesitades unha caixiña de cartón ou madeira (tamén serve unha bandexa) e botarlle un pouco de fariña, area, sal etc; engadidelle un pouco de purpurina e listo para traballar.

Facede primeiro unhas tarxetas de cartón cas letras en maiúscula e minúscula porque despois as vades a practicar.

Déixovos algúns exemplos:

I

Ánimo e ata mañá!

Plastilina caseira!

Traballar ca  plastilina e unha actividade básica para os nenos e nenas na Educación Infantil xa que mellora a forza nos seus dedos e no seu pulso (tan necesaria para o seu trazo) ao mesmo tempo que fomenta a sua creatividade e a sua percepción espazo-temporal.

Unha bonita actividade é facer con eles a propia plastilina.

Unha vez feita,  podedes probar a facer cousas como as seguintes: 

Formas xeométricas ou construcións unindo boliñas con palliñas ou palillos.

Traballar a serie numérica e o conteo:

Crear figuras orixinais!

Animádevos e xa nos ensinaredes os vosos traballos!!